Romea & Julia

Sangleikurin Cabaret fer fram í Berlin í 1930’unum.

Høvuðspersónarnir eru allir onkusvegna tengdir at KitKat-klubbanum, har alt er loyvt og betra fólkið í Berlin fer har fyri at sleppa burtur úr strævna gerandisdegnum.

Tað er legendariski verturin í klubbanum, tann sonevndi “Master of Ceremonies”, ið førir okkum inn í hendan heimin av dekadensu, sangi og dansi. Saman við stjørnuni í showinum, sangarinnuni og dansaranum Sally Bowles, og ensktlæraranum og rithøvundanum Cliff Bradshaw, fáa vit eina tragikomiska kærleikssøgu, flættaða inn í vaksandi ávirkanina, ið nazistarnir fáa í Berlin í 30’unum.