Blues, Country & Røvarasøgur við Sámal, Benjamin og Guðrun Sólju

Ger teg til reiðar til eina festliga og ógloymandi konsert, tá Sámal Ravnsfjall, Benjamin Petersen og Guðrun Sólja spæla á legendariska, og nú endurstovnaða, Tórshavnar jazz, fólka- og blues festivalinum.
Hetta er ikki ein vanlig konsert – hetta er outlaw rokk n’ roll beint frá livrini, har hjartað og tónleikurin ganga hond í hond. Við teirra deiliga dámliga stíli fara tey at spæla gott country frá meistarligum nøvnum sum Waylon Jennings, Willie Nelson og Hank Williams. Harumframt spæal tey eisini støvut swamp blues og teirra heilt egnu løg, ið flestu føroyingar hava tikið til sín.

 
Takið vestin, kovboy kjólan, lummafløskuna og hattin fram – hetta verður eitt kvøld við klassa tónleiki, sum fær teg at gloyma tíð og stað.