Á ferð við Yvirhúsinum

Á ferð við Yvirhúsinum

Kom við á ein spennandi busstúr við Yvirhúsinum, sum er mannað av teimum báðum lokalu og søgufróðu oddvitunum, Jens Dalsgaard og Asfin Sigvardsen. Túrurin byrjar í Runavík og farið verður síðani norðureftir eystara armi á Skálafjørðinum, og steðgað verður við útvald støð, har teir báðir greiða nærri frá um ymiskt áhugavert og forkunnugt. Leiðin gongur til Funnings, og har verður ein stuttur gongutúrur í bygdini og kaffisteðgur við nýbakaðum pannikøkum.

Túrurin varir 3 tímar, og byrjað verður kl. 13.00 í Runavík (við parkeringsøkið við Bylgjuna). 

Avmarkað pláss. Kostnaður er 150 kr (+10 kr avgjald), íroknað kaffi og pannukøkur í Funningi