Jógvan

Leygarkvøldið 9. august fer Jógvan fyri fyrstu ferð á pall í Listastovuni.

Jógvan er júst liðugur við kandidatútbúgvingina á Rytmiska Konservatoriinum í Keypmannahavn, har hann serliga hevur arbeitt við føroysku siðvenjuni. Í sínum nýggjastu verkum hevur hann yrkt og formað nýggj kvæði, har hann sameinir føroyska og grønlendska siðaarvin. Verkætlanin, sum Jógvan arbeiðir við í løtuni, eitur Ríkisfelagsskapurin. Tónleikurin hevur ein minimalistiskan dám,har endurtøkur og dronur mynda ein serstakan samleika – ein ljóðlig ferð millum mentanir og landsløg. Á pallinum hevur hann við sær:

• Andreas Tykjær Restorff
• Tróndur Bogason

Konsertin er stuðla av Økistónum