Heimablídni og ullarhugni í Elduvík

Í samband við mentanarvikuna í Runavíkar kommunu, skipar Frida Reyná fyri heimablídn í Elduvík sunnudagin 27. apríl kl. 16.00. Eisini vitjar Spinnaríið í Skopun og tey fara at greiða frá teirra virksemi.

Til Heimablídni verður borðreitt við heimabakaðum breyði við turrum kjøti, skinsað kjøti, rullupylsu og rullusteik. Eisini verður kaffi, te og okkurt gott omaná at fáa. 

Spinnaríið í Skopun fer, sum nevnt, at greiða frá teirra virksemi og vísa á ullvøru. Tey fara at greiða frá ull, og hvussu arbeitt verður við ull so sum at vinda tógv upp í hespu. Til ber at ogna sær vøru frá Spinnaríinum í Skopun til tiltakið. 

Seinasta freist fyri tilmelding er fríggjadagin 25. apríl kl. 18. Tað er avmarkað pláss.